Fréttir og skýrslur - Árið 1930

Tvær töflur neðar á síðunni

Frétt úr Siglfirðing, 11 janúar 1930

Stjórn ríkisverksmiðjunnar hafa þessir verið tilnefndir:

Guðmundur Skarphéðinsson af hálfu Siglufjarðarbæjar,

Þormóður Eyjólfsson af hálfu Einkasölunnar og að sögn

Sveinn Benediktsson af hálfu landstjórnarinnar.

Framkvæmdarstjóri mun óráðinn ennþá.

----------------------------------------------------------------------------------

Frétt úr Siglfirðing, 22 febrúar 1930

Síldarbræðsla á sjó. "Norges Handels- og Sjöfartstidende" frá .6. jan. s.l. segja frá fljótandi síldarmjöls og síldarolíuverkasmiðju, sem A.s. Norsk Si1deindustri Oslo hefir látið byggja og er nú um það bil að vera fullgert.

Skip þetta eða verksmiðja heitir "Norskehavet", það getur unnið 4000 hl, síldar á dag, hefir geymslu fyrir 60 þúsund hl. af óunninni síld, 6 þúsund föt af olíu og 20 þúsund, sekki af síldarmjöli.

Það getur afgreitt 6 skip á sama tíma og á furðu skömm tíma. Verksmiðjan kostar um eina milljón krónur (norskar).

Segir blaðið að þetta verði fremsta nýtísku verksmiðja heimsins. Verksmiðja þessi starfar auðvitað við Noreg yfir síldartímann þar og er sérlega hentug til þess að fylgja eftir síldargöngum, því veiði er við Noreg á ýmsum stöðum eftir tíma.

En eftir því sem blaðinu segist frá, er þó verkefni, hennar fyrst af öllu það Að fylgja veiðiflota Norðmanna til Íslands

-----------------------------------------------------------------------

Frétt úr Siglfirðing, 15 mars 1930

Fyrir utan "Norskehavet" sem áður hefir verið skýrt frá að Norðmenn ætli að hafa hér við land i sumar til síldarbræðslu, ætla þeir að hafa 3 önnur skip í sama tilgangi.

Heitir eitt þeirra "Grosholm" og er 8 þúsund smálestir að stærð. Það er hvortveggja í senn síldarbræðsla og hvalveiðastöð og eiga 2 hvalveiðaskip að fylgja því.

----------------------------------------------------------------------------

Auglýsing úr Siglfirðing, 10 maí 1930

Tilkynning um síldarloforð til Síldaverksmiðju Ríkisins á Siglufirði Þeir, sem vilja lofa síld til vinnslu í Síldarverksmiðju Ríkisins á Siglufirði á þessu sumri, skulu innan 20. maí n. k, hafa sent stjórn verksmiðjunnar símleiðis eða skriflega tilkynninguna um það

Útgerðarmaður skal tilkynna hvaða skip hann ætlar að nota til veiðanna, eins hvort hann vill skuldbinda sig til þess að afhenda verksmiðjunni alla bræðslusíldarveiði skips síns eða skipa, eða aðeins hluta veiðinnar.

Þau skip, sem afhenda verksmiðjunni alla veiði - sína eða alla bræðslusíldarveiði sína, ganga að jafnaði fyrir þeim skipum um samninga og afgreiðslu, sem aðeins hafa verið skuldbundin til að athenda hluta af bræðslusíldarveiðinni eða hafa enga samninga gert fyrirfram.

Verði meira framboð á síld en verksmiðjustjórnin telur sýnilegt að verksmiðjan geti unnið úr, hefur stjórnin óbundnar hendur til að ákveða af hve mörgum skipum verksmiðjan taki síld til vinnslu.

Ef um framboð á síld til vinnslu er að ræða frá öðrum eigendum veiðiskips, skal sá sem býður síldina, láta skilríki fylgja fyrir því, að hann hafi umráðarétt á skipinu yfir síldveiðitímann.

Verksmiðjustjórnin tilkynnir fyrir 10. júní nk., þeim sem boðið hafa fram síld til vinnslu í verksmiðjuna, hvort hægt verði að veita síldinni móttöku og skulu þá allir þeir, sem lofað hafa síld til verksmiðjunnar og stjórnin hefir ákveðið að taka síld af, hafa innan 15. s. m., gert samning við verksmiðjustjórnina um afhendingu síldarinnar.

Að öðum kosti er verksmiðjunni ekki skylt að taka á móti lofaðri síld.

Siglufirði 30. apríl 1930.

Stjórn Síldarverksmiðja Ríkisins: Þormóður Eyjólfsson, Guðmundur Skarphéðinsson, Sveinn Benediktsson

(Þessi auglýsing kom í Siglfirðing, óbreitt árin 1931- 1936 a.m.k., auk þess einnig í fleiri blöðum, ekki þó alltaf með sömu undirskriftum.)

------------------------------------------------------------------------------------

Frétt úr Siglfirðing, 5 júlí 1930

Síld hefir veiðst í snurpunót síðari hluta vikunnar. Fékk "Björninn" frá Akureyri fyrstu síldina, rúmar 100 tunnur, og var hún seld á 50 kr. tunnan.

Síðan hafa fleiri skip fengið síld, alt uppí 400 tunnur Hefir eitthvað af síldinni þegar verið selt til bræðslu.

--------------------------------------------------------------------------

Frétt úr Siglfirðing, 19 júlí 1930

Ríkisverksmiðjan mun nú vera í þann veginn að taka til starfa, var tekið á móti fyrstu síldinni í nótt.

Er það nokkru síðar en þurft hefði að vera og búist var við

----------------------------------------------------------------------------------------------

Frétt úr Siglfirðing, 26. júlí 1930

Síldveiðin.Í gær var - síldarafli þeirra skipa sem leggja upp á siglufirði, orðinn sem hér segir, bræðslusíld talin í málum en saltsíld í tunnur. Nokkur skip, sem lítinn afla hafa ertu ekki talin með.

Samtals er búið krydda og salta 36 þúsund tunnur, og setja í bræðslu 55 þúsund mál.

--------------------------------------------------------------------------

Frétt úr Siglfirðing, 30 ágúst 1930

Bæjarfréttir,

Ríkisverksmiðjan verður vígð föstudaginn 5. n. m. Hefst vígslan með útisamkomu við verksmiðjuna kl. 2 og fer þá fram afhending verksmiðjunnar frá hendi stjórnarinnar.

Er þess vænst að bæjarbúar fjölmenni við athöfn þessa.

Búast má við að einn eða tveir af ráðherrunum verði viðstaddir. -

Klukkan 5, e. m. hefst svo samsæti í Bíó fyrir starfsmenn verksmiðjunnar og ýmsa boðsgesti.

-----------------------------------------------------------------------------

Frétt úr Siglfirðing, 30 ágúst 1930

Síldveiðin hefir gengið illa þessa viku og eru mörg skip þegar hætt. Má búast við að veiðin sé þegar á enda nema þá að einhverju leyti í reknet.

----------------------------------------------------------------------------------------------------

Frétt úr Siglfirðing, 4 október 1930

Síldveiðin 1930.

Á þessu ári hefir síldveiðin orðið nokkru meiri en í fyrra. Þá var veiðin um 133 þúsund tunnur, en nú um 185 þúsund tunnur.

Í ár skiptist síldarverkunin þannig á milli söltunarstaðanna:

Auk þessa hafa 607 tunnur af millisíld verið saltaðar á Austfjörðum.

Meðalverð á nýrri síld í fyrra varð kr. 13,60 fyrir hverja tunnu, þá varð sölukostnaður Einkasölunnar kr. 1,62 á tunnu.

Nú er búist við að kostnaður Einkasölunnar verði eitthvað lægri á tunnu, af því fleiri tunnur verða seldar. En þó er ekki gert ráð fyrir að meðalverð síldarinnar verði meira en 9-10 krónur.

Ástæðan fyrir þessu miklu lægra verði, er þó ekki sú að gangverð síldarinnar erlendis haft verið svo mikið lægra, heldur mun ástæðan aðallega vera salan til Rússlands, sem lækkar meðalverðið svona afskaplega.

Hefði engin síld veri seld til Rússlands, má búast við að meðal síldarverð í ár hefði verið hærra en í fyrra, eða 14-15 kr. tunnan.

Af bræðslusíld veiddist í fyrra 515,934 hl. en í ár 526,804 hektólítra

Skiptist sú veiði þannig niður milli verksmiðjanna:

Verð á bræðslusíld var nokkru lægra en í fyrra, en upp á móti því jafnast að nokkru, að nú voru málin reiknuð á 135 kg. hvert, en í fyrra á 150 kg.

Auk þessarar síldveiði hafa allmörg þúsund tunnur verið frystar til beitu, en um þá síldveiði eru engar skýrslur fyrirliggjandi.

Smelltu á myndirnar