Umsagnir ritstjóra blaða og misvitra einsteklinga

Einherji 19. febrúar 1943

Úr öllum áttum.

Bæjarrekstur kvikmyndahúsa.

Á fundi bæjarstjórnar Reykjavíkur  4. febrúar s.l. var samþykkt. með 8 atkvæðum gegn  7 tillaga um að taka rekstur Gamla og  Nýja Bíó í hendur bæjarins. Jafnframt  Var ákveðið að verja tekjum þessara  kvikmyndahúsa til mannúðar- og  menningarmála. Háskólinn fær eftir  sem áður að halda áfram rekstri Tjarnarbíós. Hvað segja menn um bíó hér?  Væri þar ekki þörf á einhverri breytingu?
-------------------------------------------------

Einherji 5. október 1946  Úr bæ og byggð,

Ráðhúsbíó

Fyrir nokkru sendu sósíalistar erindi til bæjarstjórnar, þess efnis, að fá ráðhús lóðina, við Gránugötu og Lækjargötu afhenda undir samkomuhús fyrir verkalýðsfélögin í  bænum.

Mörgum kom þessi málaleitan sósíalista mjög á óvart, þar sem vitað var, að þessi lóð er fyrir löngu ætluð fyrir ráðhús bæjarins og aðrar byggingar í sambandi við það. 

Meirihluti bæjarstjórnar gat því  ekki orðið við þessari ósk sósíalista og felldi beiðnina. 

En réttar meðvitund sósíalista  er dálítið einkennileg, því að rétt á eftir segja þeir í Mjölni, að  bæjarstjórn Siglufjarðar hafi orðið  sér til skammar fyrir að láta ekki  Ráðhúslóðina í hendur sósíalista. Beiðnin var að vísu stíluð f. h. verkalýðsfélaganna í bænum, þar  sem, sósíalistar hafa meirihluta í  stjórn, en eru í minnihluta að  höfðatölu í félögunum, enda töldu fulltrúar Alþýðuflokksins sig í  bæjarstjórn ekki geta verið með stjórn og skrifstofur bæjarins eru  í.

Veitti sannarlega ekki af að fara  að hugsa fyrir einhverri breytingu  þar á og virðist þá eðlilegast, að  bæjarskrifstofurnar og fundarsalir  fyrir bæjarstjórn og nefndir hennar yrði ætlað pláss í hinu væntanlega ráðhúsi bæjarins. 

Þá ætti  einnig að koma þar hið margumtalaða Kvikmyndahús bæjarins,  sem allir stjórnmálaflokkar bæjarins hafa talið mikla nauðsyn á  að koma upp, og þá ekki síst  sósíalistar.
--------------------------------------------------------------------

Einherji 16. nóvember 1946

Skrílsháttur og siðleysi.

Ef þið viljið kynnast skrílshætti og siðleysi er reynandi að  fara hér í bíó. Það er ekki ótítt, að unglingspiltar séu í “slag” meðan á sýningu stendur, æpandi og skrækjandi og látandi öllum illum látum.

Þá er og hitt algengt, að samtöl eru svo mikil meðal bíógesta, að með öllu er ógerlegt að heyra til leikenda.  Þetta þarf að breytast.

Þetta er til skammar þeim, sem hlut eiga að máli og angurs og leiðinda hverjum skikkanlegum bíógesti.
------------------------------------------------------------------ 

Siglfirðingur 12. ágúst 1947

BÆJARMÁL (dálkur um bæjarmál) 

Kvikmyndahúsin

Margt má með réttu finna að  þeim kvikmyndahúsum, sem hér  starfa. "Nýja Bíó," sem einnig er  kennt við Thorarensen, virðist vera  vanhirt, svo að oft blasa við augum  bíógestsins, óhreinindi og blaðarusl,  er hann kemur þar inn fyrir dyr.  Einnig er óafsakanlegt að hafa þar  aðeins eitt salerni opið, sérstaklega þegar tekið er tillit til þess,  að það er ekki nothæft nokkrum  manni.

Á þessu þarf að ráða bót  hið fyrsta. Verða og bæjarbúar og  aðkomufólk að sýna meiri þrifnað  og háttprýði, er þeir sækja kvikmyndahúsin.

"Siglufjarðarbíó" er oftast nær  þrifalegt, en sá galli er á gjöf  Njarðar, að sýningarvélarnar eru  mjög lélegar og hátalarinn gjörómögulegur. Kemur þetta sérstaklega að sök þegar söngvamyndir  eru sýndar og hafa gestir hússins  ekki hálf not af myndunum fyrir  þessar sakir.
------------------------------------------------------

Neisti 31 janúar 1947. Greinaflokkurinn "Þórður Þögli", bréf til Þórðar þögla.

Bíógestur skrifar:

Það hefir stundum verið skrifað í  blöðin hér um Bio-"menningu" okkar  Siglfirðinga. Um hana hef ég þessa  sögu að segja:

Fyrir stuttu fór ég í  kvikmyndahúsið með kunningja mínum reykvískum, sem hér var  staddur.

Klukkan 9, eða á tilsettum tíma hófst  sýningin, en allt til þess að klukkan  var gengin 20 mínútur í 10, var fólk  að koma í sætin í bekkjunum fyrir  framan okkur.

Alltaf annað slagið á  meðan á sýningunni stóð, kváðu við  hlátrasköll og óp og ýmiskonar annarlegur hávaði frá unglingum í salnum. Þetta fannst kunningja mínum nýstárleg og miður sæmandi framkoma. 

Auðvitað er þetta mesta ófremdarástand og gremjulegt fyrir Bíó-gesti,  sem koma í bíó, til þess að sjá og  heyra kvikmynd, að verða fyrir slíku  ónæði.

Ég legg til. að hér eftir  verði húsinu lokað kl. 9 stundvíslega,  eða þegar sýning hefst, og að nöfn  þeirra unglinga, sem gera sig þar seka  um ill læti, verði birt í blöðum bæjarins þeim og öðrum til viðvörunar.
------------------------------------------------------------------

Neisti 14. febrúar 1947

S. O. S.

Ég er þakklátur þeim, sem birti  greinina undir nafninu Bíógestur í  síðasta tölublaði "Neista."

En látum  það nú vera, þótt fólk einhverra orsaka  vegna komi ekki á tilsettum tíma, sem  er þó hinn mesti ósiður og algjörlega  ófyrirgefanlegt. greinina undir nafninu Bíógestur í  síðasta tölublaði "Neista."

En látum  það nú vera, þótt fólk einhverra orsaka  vegna komi ekki á tilsettum tíma, sem  er þó hinn mesti ósiður og algjörlega  ófyrirgefanlegt.

En hitt er þó öllu lakara er, góðir Siglfirskir borgarar, sem  árum saman hafa haft þetta fyrir sína.  aðalskemmtun og mætt kl. 9, fá svo  fyrir alla stundvísina númeruð og  "botnlaus sæti." En sökum tækni á  öllum sviðum í Nýja Bíó í Siglufirði,  kemur það ósjaldan fyrir, að Bíógestir  fái setur sínar loftleiðis á meðan á sýningunni stendur.

En þar sem nú á  að heita friður á jörðu, er það alveg  óviðeigandi að hafa hinn ægilega járnvígbúnað fyrir luktum dyrum kvikmyndathússins meðan á sýningu stendur, þar sem slíkur vígbúnaður getur  valdið óhug og hræðslu hjá þeim Bíógestum, sem ekki eru slíku vanir hjá  öðrum kvikmyndahúsum á landinu. 

En hróp og önnur ólæti í unglingum  í Nýja-Bíó í Siglufirði, eru Siglfirðingar fyrir löngum liðnum stundum búnir  að sætta sig við.

En hinsvegar væri  því vel fagnað, af öllum bíógestum ef  duglegum og skylduræknum dyraverði  yrði bætt við ytri dyrnar. En sökum  sívaxandi framfara yrði það vel þegið  að Bíógestir í framtíðinni fengju að  verða aðnjótandi stoppaðra og óhreyfanlegra sæta á næstunni.
------------------------------------------------ 

Neisti 28. febrúar 1947

Enn um Bíó.

Kæri Þórður!

Dálkarnir þínir eru nú þegar orðnir  mjög athyglisverðir og skemmtilegir.  Bréfin, sem þú hefur fengið finnst  mér ágæt og sjálfur ertu áreiðanlega  skemmtilegur karl.

Gaman væri að  vita hver þú ert. Sumir halda, að þú  sért Gunnlaugur Hjálmarsson. Ólafur  Guðmundsson, Jóhann Möller eða  Gísli Sigurðsson.

Hvað um það, hver  sem þú ert, þá læturðu ekki þessar  línur lenda í ruslakörfunni þinni, því  auðvitað áttu stóra ruslakörfu. 

Bréfið frá S.O.S. í síðasta pistli þínum var ágætt. Þetta með seturnar í  Nýja Bíó sætunum er "hreinasta  hneyksli". Mikill fjöldi af sætunum er  alveg setulaus, og mætti þess vegna  taka undir með Gísla, Eiríki og Helga,  að botninn væri suðri í Borgarfirði. 

Það er staðreynd, að síðan sýningum var hætt í Siglufjarðarbíó hefur  myndavali hjá Nýja Bíó mjög hrakað.  Getur eigandi Nýja Bíó ekki fengið  hingað bestu myndirnar frá kvikmyndahúsunum í Reykjavík? Nýja-Bíó  verður að fá sér betri myndir annars  hætta Siglfirðingar að sækja það. Takist eigandanum, auk annarra lagfæringa, að fá betri myndir þarf hann  engu að kvíða um aðsókn.

Bíó-gestur
----
Ég held, að það væri rétt, bréfritarar góðir, að gefa eiganda Nýja Bíó  nokkurra daga tóm til þess að lagfæra það, sem þið hafið fundið að. En sjáist þess ekki merki, eftir svona  einn mánuð, að hann hafi látið sér  segjast við það sem komið er, verðum  við að taka hann alvarlega til bæna. Þórður Þögli
-----------------------------------------------------------  

Siglfirðingur 10. apríl 1948

GÓÐUR GESTUR

Hingað í bæinn er kominn hr.  Kjartan Ó. Bjarnason, kvikmyndari. Hann hefur verið á Akureyri  undanfarið og sýnt þar Heklukvikmynd sína, ásamt nokkrum fleirum myndum.

Í gærdag og gærkvöldi sýndi hann hér myndir sínar í fyrsta skiptið. Húsið var fullskipað.

Myndir Kjartans eru gullfallegar og mjög gaman að sjá hversu  mjög góðum myndum hann hefur  náð. Það er vart hægt að lýsa  þessum kvikmyndum hans, svo að  vel fari. Fólk verður sjálft að fara  og sjá þær og ég er þess fullviss,  að engin mun sjá eftir því kvöldi,  sem fer í það að horfa á myndir  þessar.

Auk hinnar mikilfenglegu Heklu-kvikmyndar sýnir Kjartan  skíðakvikmynd frá landsmótinu  1947. Þar sjást nokkrir Siglfirðingar m.a. Jón Þorsteinsson, sem þá  varð skíðakóngur Íslands og Jónas  Ásgeirsson.

 Myndir hans af íslenskum börnum, landbúnaðinum, öræfunum og Þjórsárdalnum eru  allar sérstaklega góðar.

Myndirnar munu verða sýndar  aftur einu sinni, eftir helgina, þar  sem hann gat eigi fengið kvikmyndahúsið lánað fyrr.

Um leið og  ég þakka Kjartani fyrir þessa góðu  skemmtun, óska ég þess, að hann  komi hingað aftur með myndir  sínar, og lofi þeim, sem ekki hafa  haft tækifæri til að skoða landið  af eigin sjón og raun, að fara með  sér í ferðalag í kvikmyndum hans,  og kynnast þannig sínu fagra  landi.

Áhorfandi.
----------------------------------------------------------------

06-15-1948  Siglfirðingur 15. júní 1948

HVAÐ ER Á SEYÐI, (dálkur um uppákomur)

Rússnesk litkvikmynd.  Þessa dagana hefur "Siglufjarðarbíó" sýnt gullfallega litkvikmynd, sem ber nafnið "Steinblómið". Það er ekki oft nú til  dags, sem fólki gefst kostur á að  sjá góðar myndir, en "Steinblómið"  er ein hinna fáu undantekninga.

Mynd þessi er gerð með nýrri  litartækni, uppfundinni í Þýskalandi á stríðsárunum, svo skuggar  og litir sýnast stórum eðlilegri en  áður var. - Efni myndarinnar er  að vísu ekki upp á marga fiska, en  myndin er eins og fagurt ævintýri,  eins og sett væri á svið ein af  þessum gömlu ævintýrasögum, er  maður heyrði í æsku.

Það verður enginn svikinn af  því að sjá þessa mynd, og vonandi  bætast fleiri slíkar í hóp þeirra  mynda, er hér verða sýndar.
-------------------------------------------------

Siglfirðingur 28. október 1948

HVAÐ ER Á SEYÐI !   (Loftur Guðmundsson)  

EF LOFTUR GETUR ÞAÐ EKKI  - ÞÁ HVER?

Loftur hefur nú gert. fyrstu íslensku kvikmyndina með tónum og  tali. Leika í mynd þessari margir  færustu leikarar íslensku þjóðarinnar og efni myndarinnar byggt  á leikriti, sem Loftur sjálfur samdi  fyrir 25 árum síðan.

Þetta frumverk íslenskrar kvikmyndagerðar  hefur vakið mikinn áhuga og leikur mörgum forvitni á að vita hver  árangur þessa frumverks verður.  Alkunna er það, að Loftur er fær  maður, sem lýkur hverju því verki  með snilld, er hann hefur og eins  hitt, að margir færir leikarar koma  fram í mynd þessari. Gefur það  vonir um, að mynd þessi muni  vera góð, ekki síst vegna þess, að  efni hennar er tekið úr íslensku  þjóðlífi.

Kvikmyndahúsgestir hér vænta  þess, að allt verði gert sem hægt  verður til að fá þessa mynd hingað  norður, svo Reykvíkingar einir  njóti ekki þeirra verka, er íslenskir  listamenn hafa upp á að bjóða.  Kvikmynd Lofts hefur vakið forvitni, sem verður að fá svölun.