Friðleifur Jóhannsson

Friðleifur Jóhannsson - ókunnur ljósmyndari

Friðleifur Jóhannsson fæddist á Siglufirði 12. október 1944. Hann lést á Landakotsspítala 1. mars 2013. 

Foreldrar: Jóhann Friðleifsson, vélstjóri á Siglufirði, f. 5. júní 1906, d. 19. apríl 1987, og Svanhildur Björnsdóttir, húsfreyja á Siglufirði, f. 28. ágúst 1912, d. 23. október 1961. Systkini: Alda, f. 1936, Sigríður, f. 1943, og Jóhanna, f. 1951. 

Systir samfeðra: Íris Jóhannsdóttir, f. 1932.

Friðleifur kvæntist 9. október 1970 Snjólaug Sigurðardóttir, f. 12. febrúar 1943, einkaritara og síðar fulltrúa á skrifstofu forstjóra Landsvirkjunar.

Foreldrar: Sigurður Þórarinsson, jarðfræðingur, f. 1912, d. 1983, og Inga Þórarinsson, f. Backlund 1918, d. 1993.

Börn Friðleifs og Snjólaugar eru:

1) Jóhann Sveinn Friðleifsson, f. 30. nóvember 1971. Maki: Íris Stefánsdóttir, f. 9. desember 1973.

Þeirra börn:

Sara Hlín, f. 2000, og 

Birkir Ísak, f. 2002. 

2) Sigurður Ingi Friðleifsson, f. 17. október 1974. Maki: Brynhildur Bjarnadóttir, f. 7. febrúar 1974.

Þeirra börn:

Valdís, f. 1999, 

Katrín, f. 2000, 

Sindri, f. 2005,  

Sölvi, f. 2009.

Friðleifur ólst upp á Siglufirði en bjó stærstan hluta ævi sinnar í Seljahverfi í Reykjavík. Hann fluttist í Mosfellsbæ 2006. Hann útskrifaðist sem stúdent frá Menntaskólanum á Akureyri 1964 og með cand. oecon-viðskiptafræðipróf frá Háskóla Íslands 1970. Hann lauk bóklegu námi til löggildingar endurskoðenda 1976. Friðleifur hóf störf 1970 hjá embætti ríkisskattstjóra í Reykjavík og starfaði þar alla sína starfstíð til ársins 2006 að undanskildu árinu 1982 er hann var starfsmaður á endurskoðunarskrifstofu í Reykjavík.

Friðleifur var settur skattstjóri Vesturlandsumdæmis á árinu 1991, forstöðumaður endurskoðunarsviðs hjá ríkisskattstjóra 1992 og forstöðumaður tekjuskattsskrifstofu þar 1993 en í kjölfar veikinda starfaði Friðleifur sem sérfræðingur síðustu ár sín hjá embættinu. Hann var í stjórn kjaradeildar ríkisstarfsmanna innan Félags viðskipta- og hagfræðinga 1977-80 og formaður 1979-80. Átti sæti og var starfsmaður í nokkrum opinberum nefndum um skattamál á árunum 1987-94.