Guðbrandur Þórður Sigurbjörnsson (Akra Brandur)

Guðbrandur Sigurbjörnsson

Guðbrandur Sigurbjörnsson, Túngötu 38 Siglufirði, fæddist að Ökrum í Fljótum 18. febrúar 1916. Hann lést á sjúkrahúsi Siglufjarðar hinn 9. júní 2001.

Foreldrar hans voru  Sigurbjörn Jósefsson bóndi að Ökrum og Langhúsum, Björnssonar bónda á Stórureykjum Fljótum, f. 5.1. 1884, d. 11.5. 1968 og Friðrikka Magnea Símonardóttir Márussonar bónda á Fyrirbarði í Fljótum, f. 8.10. 1877, d. 23.9. 1979.

Systkini Guðbrands : 

Jósef Sigurbjörnsson, f. 1908, d. 1997.

Björn Sigurbjörnsson, f. 1913, d. 1988. 

Jón Sigurbjörnsson, f. 1914, d. 1987. 

Lovísa Sigurbjörnsdóttir, f. 1915, d. 1995. 

Hermína Sigurbjörnsdóttir, f. 1916, 

Gísli Sigurbjörnsson, f. 1919, d. 1990. Ríkey, f. 1922.

Hinn 6. nóvember 1937 gekk Guðbrandur að eiga Hulda Regína Jónsdóttir, f. 29. júní 1916. Foreldrar hennar voru Jón Kristjánsson frá Lambanesi í Fljótum og Stefanía Guðrún Stefánsdóttir af Róðhólsætt.

Guðbrandur og Hulda eignuðust fjórar dætur sem eru: 

1) Laufey Alda Guðbrandsdóttir, f. 6. maí 1938, búsett á Sleitustöðum Skagafirði, maki Jón Sigurðsson bílstjóri og eiga þau fjögur börn. 

Reynir Þór Jónsson, 

Íris Hulda Jónsdóttir, 

Gísli Rúnar Jónsson 

Lilja Magnea Jónsdóttir.

2) Elva Regína Guðbrandsdóttir, f. 30. júlí 1941, búsett í Reykjavík, maki Friðleifur Björnsson rafvirki og eiga þau tvo syni,

Gunnar Þór Friðleifsson

Ómar Inga Friðleifsson

3) Alma Elísabet Guðbrandsdóttir, f. 17 mars 1949, búsett í Kópavogi, maki Páll Þórðarson og eiga þau þrjú börn,

Auðunn Ingvar, 

Hildur Hólmfríður 

Selma Halldóra.

4) Bryndís Sif Guðbrandsdóttir, f. 26. júní 1958, búsett í Grindavík, maki Þorsteinn Símonarson skipstjóri og eiga þau þrjú börn,

Rósa Dögg, 

Símon Guðbrandur

Sindri Snær.

Barnabarnabörnin eru orðin 17.

Guðbrandur vann ýmiskonar verkamannavinnu, á yngri árum vann hann við múrverk og smíðar.

Í nokkur ár vann hann í Síldarverksmiðju ríkisins á Siglufirði og einnig í tunnuverksmiðjunni á Siglufirði.

Síðustu árin vann hann hjá Kaupfélagi Eyfirðinga og var í stjórn félagsins í mörg ár.

Alþýðuhúsið á Siglufirði rak hann í 12 ár.

Góður bridgemaður var hann og vann til margra verðlauna.