Guðmundur Sigurðsson verkstjóri

Guðmundur Sigurðsson - Ljósm: Kristfinnur

Guðmundur Sigurðsson  f. 14. maí 1895  - d. 3. ágúst 1970 - 

Hann fæddist Þrasastöðum í Fljótum. Hann var bóndi á Deplum og í Nesstaðarkoti í Stíflu í Fljótum. Hann flutti til Siglufjarðar árið 1924, stundaði um tíma kennslu 6-7 ára krakka í lestri, einnig prófdómari hjá Barnaskóla Siglufjarðar. Hann réðist snemma til Síldarverksmiðja ríkisins og starfaði þar sem verkstjóri lengi vel. Hann var mikill áhugamaður um félagsmál og gegndi trúnaðarstörfum í verkamannafélaginu Þróttur á Siglufirði.

Kona hans var Oddný Jóhannesdóttir f. 14. september 1920 d. 12. apríl 1972
Foreldrar: Jóhannes Guðmundsson bóndi að Grímsá í Hrafnagilshreppi  og Kristín Bjarnadóttir f. 22. desember 1869 d. 24. október 1934 - Börn Guðmundar og Oddnýjar voru:

1) Kristín Guðmundsdóttir f. 31. Ágúst 1927 – maki Ríkarður Jónsson, fyrrv. framkvæmdastjóri Meitilsins í Þorlákshöfn, lést árið 1974. 

2) Katrín Guðmundsdóttir f. 29 október 1932  d. 14. Nóvember 2007 Katrín giftist 28.6. 1952 maki Páll Gíslason, útgerðarmaður og fiskverkanda, f. 3.9. 1929.  Foreldrar hans voru Gísli Jónsson verkstjóri, f. 8.12. 1899, d. 15.10. 1974, og Ólöf Kristinsdóttir húsfreyja f. 24.9. 1902, d. 24.5. 1996.

3) Svandís Guðmundsdóttir, Siglufirði f. 18. júní 1935  - d. 27. desember 1993 Árið 1978 gekk hún í hjónaband með Pétur Pálsson verkamaður á Siglufirði. Pétur er einn af sex systkinum. Foreldrar hans voru Páll G Pétursson sjómaður á Hofsósi og Sigríður Kristín Gunnarsdóttir, ættuð úr Fljótum.

-------------------------------------------

Neisti - 24. maí 1945

25 ára hjúskaparafmæli á fimmtugsafmæli húsbóndans, þann 14. maí 1945 áttu þau hjónin Oddný Jóhannsdóttir og Guðmundur Sigurðsson Túngötu 39, tuttugu og fimm ára hjúskaparafmæli og Guðmundur fimmtugsafmæli sama dag.

Guðmundur er fæddur að Þrasastöðum í Fljót um. Hingað til bæjarins fluttist hann 1924.

Starfsmaður hjá Siglufjarðarkaupstað* varð hann 1938 og hefur unnið þar síðan.

Vegna starfa síns hefur Guðmundur Sigurðsson kynnst miklum fjölda manna þar í bæ. Það er ekki ofmælt, að alstaðar hafi hann lagt gott eitt til mála og verið nýtur maður og farsæll í starfi, enda er hann sanngjarn drengskaparmaður, sem hvergi má vamm sitt vita. Hann hefur unnið mikið og gott starf fyrir Alþýðuflokkinn, er honum verður seint þakkað. Á þessum merku tímamótum þeirra hjón, barst þeim fjölda árnaðaróska og var mjög gestkvæmt hjá þeim.

Var þar vel tekið á móti gestum og með mikilli rausn. Enda gekk hin mæta frú Oddný þar um beina. Neisti vill færa þeim hjónum hlýjar kveðjur hinna mörgu vina, með ósk um bjarta og gæfuríka framtíð, á ókomnum æfibrautum.

* Þarna hefur sennilega átt að standa "Síldarverksmiðjur ríkisin", því þar vann hann, og var meðal annars vekstjóri minn í um 8 ár, í Mjölhúsi SR frá fyrsu árum mínum hjá SR