Stefán Aðalsteinsson

Stefán Aðalsteinsson

Stefán Aðalsteinsson:

Börn hans:

Helga Stefánsdóttir,

Jóna Stefánsdóttir,

Svanfríður Stefánsdóttir,

Sigrún Stefánsdóttir,

Sigríður Stefánsdóttir,

Gísli Stefánsson,

Jón Stefánsson og

Jóhann Stefánsson bólstrari.

Stefán Aðalsteinsson fæddist 10. september 1884 í Skagafirði.

Foreldrar hans voru Aðalsteinn Stefánsson, f. 1857 í Tungu í Stíflu, d. 1946 í Flókadal og Anna Soffía Stefánsdóttir f. 1852, d. 1912.

Eiginkona Stefáns var Kristín Margrét Jósepsdóttir f. 1888, á Steinavöllum Flókadal, d. 1954.

Þau byrjuðu búskap á Minni-Reykjum í Flókadal árið 1908. Næst bjuggu þau í Borgargerði, þá að Sjöundastöðum, aftur í Borgargerði, þá að Sigríðarstöðum og loks í Sigríðarstaðakoti.

Á öllum þessum bæjum í Flókadal stunduðu þau einfaldan búskap eins og tíðkaðist meðal fátækra bænda á þessum tíma. Á 23 árum eignuðust þau 14 börn, 10 þeirra komust á fullorðinsár.

Árið 1946 fluttust Stefán og Kristín til Siglufjarðar. Eftir það vann Stefán hjá Síldarverksmiðjum ríkisins í mörg ár eða fram undir 1970. Nokkru síðar flutti Stefán til Akureyrar og bjó hjá Jakobínu, dóttur sinni, áður en hann lést 12. maí 1980.