Felix Einarsson sjómaður og verkamaður

Felix Einarsson - Ljósmynd: Kristfinnur

Felix Einarsson,  f. 14.1. 1918, d. 7.7. 1979.

Hann átti eina dóttur. 

  • Bryndís Felixdóttir, sem fæddist 5. júlí 1951.

Barnsmóðir hans var Guðfinna Hallgrímsdóttir fædd á Vaðbrekku í Jökuldal 9. ágúst 1919. Samband þeirra varð skammvinnt - Hún lést á Landspítalanum við Hringbraut 19. apríl 1979

Systkyni Felix voru:

  • Drengur Einarsson, f. 18.11. 1923, d. 18.11. 1923, 
  • Ása Sigríður Einarsdóttir, deildarstjóri og aðalféhirðir Sparisjóðs Kópavogs, f. 12.5. 1925, maki Hólmsteinn Steingrímsson, deildarstjóri í Landsbankanum, f. 4.12. 1923. Þau eiga þrjú börn.
  • Kjartan Einarsson skattfulltrúi Siglufirði.

Hálfsystkini Felixar, samfeðra voru:  

  • Ásmundur Hólmfriður, sjómaður f. 26.11. 1901, d. 13.5. 1922, og
  • Guðmunda Ingibjörg, ljósmóðir, f. 15.11. 1905, d. 16.5. 1999.
    Maki Marinó Steinn Þorsteinsson, f. 28.9. 1903, d. 4.9. 1971. 

Börn Ingibjargar og Marinós eru:

    • Valgerður Marinósson, f. 5.12. 1927, d. 18.3. 1963,
    • Ása Marinósdóttir, f. 9.2. 1932,
    • Þorsteinn Marinósson, f. 30.12. 1934,
    • Birgir Marinósson, f. 27.10. 1939, og
    • Hildur Marinósdóttir, f. 24.9. 1941.

Einherji - 1979

Felix Einarsson — Minning — F. 14. jan. 19 h8 D. 7. Júlí 1979

Felix Einarsson, Hlíðarvegi 9, lést í Sjúkrahúsi Siglufjarðar. 7. júlí 1979, 61. árs að aldri.

Felix var fæddur á Hofsósi. Foreldrar hans voru, Herdís Kjartansdóttir og Einar Ásgrímsson. Þau fluttu til Siglufjarðar 1927 og bjuggu lengst af á Hlíðarveg 9. Þar hefur Felix átt heima alla tíð síðan.

Þau Herdís og Einar eignuðust 3 börn,

  • Felix Einarsson,
  • Ása Sigríði Einarsdóttir og
  • Kjartan Einarsson.

Ása er gift kona í Kópavogi, en Kjartan er búsettur hér í Siglufirði.

Herdís Kjartansdóttir lést í fyrra, en Einar er á Sjúkrahúsi Siglufjarðar 100 ára gamall.

Árið 1945 missti Einar heilsuna, og hefur lengst af verið rúmfastur síðan, eða í 33 ár. , Herdís annaðist mann sinn, rúmliggjandi heima á Hlíðarvegi 9, í 26 ár meðan heilsa hennar og kraftar leyfðu. Síðastliðin 7 ár hefur Einar verið í Sjúkrahúsi Siglufjarðar.

Blómin og trén í litla garðinum sunnan við húsið að Hlíðarvegi 9 sýndu vel að Herdís Kjartansdóttir hefur hlúð að og hugsað um fleira en rúmliggjandi maka sinn. öll sú umhyggja og alúð lýsa vel þeim ágætu konu.

Um fermingu hóf Felix sjómennskustarf sitt, enda var hann sjómaður meðan heilsan dugði. Á margskonar skipum og við allskonar veiðar. Síðast með því að beita línu fyrir stærri báta á vetrum, en stunda handfæraveiðar á sumrum. Snemma á sjómennsku ferli sínum sýktist Felix af berklum, en fékk bót að mestu. Fyrir um 9 árum tók það sig upp aftur og varð þá að taka annað lungað.

Eftir það var heilsa hans og þrek mjög takmarkað. Nokkur síðustu árin gegndi Felix starfi kirkjugarðsvarðar. Felix kvæntist aldrei og átti alla tíð heima hjá móður sinni. Eina dóttur eignaðist hann. Bryndís hét hún. Gift kona í Hafnafirði. Hún varð bráðkvödd á besta aldri. Bryndís átti einn son, Guðmund að nafni.

Líf og sambúð hjónanna og sonarins að Hlíðarvegi 9 var nokkuð sérstætt og lærdómsríkt. Faðirinn rúmliggjandi, sonurinn á sjónum en móðirin heima að hjúkra og hlúa að og hugsa um báða. Nú eru þau öll flutt frá Hlíðarveg 9. Mæðginin saman til æðri heima og faðirinn aldni biður enn í Sjúkrahúsi Siglufjarðar. Guð blessi þau öll.