Filippus Hróðmar Birgisson

Filippus Birgisson - ókunnur ljósmyndari

Filippus Birgisson fæddist á Siglufirði 29. ágúst 1950. Hann lést á líknardeild Landspítalans í Kópavogi 5. júlí 2018.

Foreldrar Filippusar voru Birgir Runólfsson, vöruflutningabifreiðastjóri frá Siglufirði, f. 2.1. 1917, d. 5.5. 1970, og Margrét Hjördís Pálsdóttir húsmóðir, f. 5.3. 1917, d. 9.7. 1998.

Systkini Filippusar eru:

  • Alma Birgisdóttir sjúkraliði, f. 26.5. 1939, búsett á Siglufirði. Elíngunnur húsmóðir, f. 26.12. 1944, d. 16.05. 2014.
  • Runólfur Birgissson , fyrrverandi framkvæmdastjóri á Siglufirði, f. 4.3. 1948, maki Hólmfríður Alexandersdóttir, þau eru búsett á Siglufirði.
  • Páll Birgisson vöruflutningabifreiðastjóri, f. 4.3. 1948, d. 12.9. 1969, maki Kristrún Gunnlaugsdóttir, búsett í Reykjavík.
  • Björn Birgisson, rennismiður og vélstjóri, f. 12.8. 1949, d. 08.02. 2016 maki Álfhildur Þormóðsdóttir, búsett í Mosfellsbæ.
  • Þorsteinn Birgisson rekstrartæknifræðingur, f. 8.8. 1951, maki Ragnheiður Steinbjörnsdóttir, þau eru búsett í Mosfellsbæ.
  • Þormóður Birgisson stýrimaður f. 8.8. 1951, d. 22.07.2005 maki Eyrún Pétursdóttir búsett á Siglufirði.
  • Filippus átti einn bróður sem hét
  • Brynsteinn Guðnason f. 26.07. 1946, d. 27.03. 2013 en hann var ættleiddur, var búsettur í Svíþjóð.

Börn Filippusar eru:

    • 1) Aðalbjörn Sigurður f. 17.02. 1976 sjómaður búsettur á Akureyri, barnsmóðir Guðbjörg Aðalbjörnsdóttir f. 09.08. 1954 búsett á Siglufirði (þau voru gift).
      Fyrir átti Guðbjörg dóttur, Bylgju Árnadóttur f. 22.09. 1971 sem Filippus ól upp í um 10 ár.
    • 2) Guðbrandur Máni f. 25.02. 1999, verkamaður búsettur í Reykjavík. Barnsmóðir Linda Guðrún Lilja Guðbrandsdóttir f. 14.09. 1959, d. 18.01. 2013.

Filippus byrjaði ungur til sjós, aðeins 15 ára gamall, og fljótlega fannst honum sjómennskan eiga vel við sig og tók hann því ákvörðun um að gera sjómennsku að framtíðarstarfi sínu. Mest var hann á togurum og skuttogurum frá Siglufirðri og stöku sinnum annars staðar.

Eftir 1983 fór Filippus í Fiskvinnsluskólann og útskrifaðist sem fiskmatsmaður og dró sig þá að mestu í land og vann sem verkstjóri og matsmaður víða um land, svo sem á Stöðvarfirði, Siglufirði, Ísafirði og Drangsnesi. Upp úr árinu 1995 flutti hann til Reykjavíkur við málningarvinnu, sjómennsku og síðan við störf hjá Orkuveitu Reykjavíkur þar sem hann starfaði til æviloka, seinast í innkaupum í vöruþjónustu OR.

Útför Filippusar fer fram frá Grafarvogskirkju í dag, 13. júlí 2018, klukkan 15.